Daxgux gou cawx duz yiengz- baengz guhcaemz ndeu hawj gou. Gou maij duz yiengzbaengz neix raixcaix lo!

Duzyiengzbaengz mbouj hung, daihgaiq miz song fajfwngz gou baenzneix raez. Aennaj de hoengz- maeq, byoemgyaeuj henjnamh, bwn yungzyubyub, ndeiyawj raixcaix. Duzyiengzbaengz miz doiq lwgda ronghsaksak ndeu, gig cingsaenz. Aenndaeng de ndeiriu dangqmaz, couh lumj cih Sawgun “八” dauq- dingq nei. Aenbak de loh ok diuz linx iq saekmaeq vadauz ndeu. Baihlaj byoemgyaeuj maj miz song aen rwz raezrangrang, rog rwz dwg saek hoengzmaeq, ndaw rwz dwg saek henjmakgam, lumj song limq va raez hai hoenghhwdhwd. Ndang de hix dwg saek henjmakgam, baihswix lij miz aen “sim” hung ndeu, baihndaw sij cihsaw Yinghyij. Seiq diuz ga de lumj seiq diuz saeu luenzlulu nei, gaiqdin lumj buenq aen luenz nei dwg saek henjgeq, ndeiyawj raixcaix. Yungh fwngz bae lumh diuzrieng henjoiq de, unqnumnum、raeuz- rwdrwd, mizyinx dangqmaz.

Duz yiengzbaengz neix bineix ndaej song bi lo, de vanzlij ndeigyaez baenzneix, gou ngoenznaengz cungj got de ninz.

（bouxsij：Sanhdungh Swngj Ci- ningz Si Couhcwngz Si Daihngeih Sizyen Siujyoz Yaugih Baihnamz ngeih nienzgaep ban 1 Cinz Cinh- goh bouxhoiz：Veiz Yinyiz)