Gou mbouj rox mwngz daeuj daengz seiz

Dwg riu, dwg daej, roxnaeuz dwg baenzlawz yiengh

Cungj raen mwngz bienq lo

Gou ninz ngamqngamq hwnq

Mbouj rox gwnzmbwn nditndat roxnaeuz doek fwn

Mwngz daengz

Caiq mbouj lumj gaxgonq daeuj cup faj naj gou

Mbouj youq henz rwz gou gangjvah

Mbouj dawz aen ndang gou got maenhmaenh

Hix mbouj gaem fwngz gou bae gvaenxgvax

Gou naeuz

Faex ha faex, ok sing heuh ba

Gou lau mwngz caiq daeuj mbat moq

Gou mbouj roxnyi mwngz byaij

Gou naeuz

Nya ha nya, diuqfoux ba

Gou lau mwngz caiq daeuj mbat moq

Gou ra mwngz mbouj raen

Gou naeuz

Lingz ha lingz, yunghrengz bi ba

Gou lau mwngz caiq daeuj mbat moq

Gou mbouj ndaejnyi mwngz gangj

Danghnaeuz mwngz ndonj gvaq lueg gvaq haij daeuj

Cingj mwng geiq ndei

Youq dieg mbanj iq neix

Miz boux vunz ndeu

Deq caj rumz daeuj

Deq mwngz daeuj daengz