●5 nyied 21 hauh, aen hoih lwnh vunzlai saehmoq gvendaengz hong henhoh Gvangjsih swnghvuz lai cungj lai yiengh youz Swcigih Swnghdai Vanzging Dingh hai de lwnh vunzlai rox, daengx gih guh hong henhoh caeuq guenjleix swnghvuz lai cungj lai yiengh baenzsaeh lwenqda, gij soq swnghvuz cungjloih youq daengx guek baiz daihsam.

（Yiz Fungh）

●Mboengqneix, aen hoih lwnh vunzlai gij saw moq bonj sawdoz riuz- gangj sien fangz Bouxcuengh de youq Nanzningz Bozvuzgvanj banh. Gij sawdoz neix baudaengz《Fuk Man Ndeu》daengj gungh 6 bonj. Bonjbonj aeu gij goj riuzgangj sien fangz Bouxcuengh guh daez, aeu doxgaiq cojcienz minzcuz guh goek, miz riuzgangj sien fangz seng- doengh、dozveh ndeiyawj, yinx bouxdoeg iq yawj le raen gij vwnzva Bouxcuengh maezvunz lailai.

（Hoz Hoz）

●Suenq daengz 5 nyied gyang- ndwen, Bwzswz Si Denzyangz Gih miz 9.53 fanh bouxhong ok rog guhhong, ndawde miz 3.33 fanh bouxhong duet- gungz caeuq gyawj gungzhoj, gij soq neix cungj lai gvaq bi’gvaq.

（Veiz Bungzyen）

●Bineix doxdaeuj, Dwzbauj ok banhfap moq guh hozdung aeu“caezgya guh bak gienh saehcaen ndeileih vunzlai”guh cawjdaez. Ciuq gyoepsuenq mbouj liux, daj guh hozdung doxdaeuj, daengx yienh 128 aen danhvei（giyez）gungh coengh vunzlai guh 332 gienh saehcaen.

（Cinz Yinzbauj）