5 nyied 13 hauh, Gvangjsih Aen Siujcuj Daiqlingx Baez Daih- caet Bujcaz Gyaeujvunz Daengx Guek hai aen hoih lwnh saehmoq, ciuq gij soq baezneix bujcaz ndaej rox, gij soq gyaeujvunz siujsoq minzcuz Gvangjsih caeuq gyaeuj- vunz daengx guek caemh gyalai lo, gyahwnj vaiq gvaq gyaeujvunz daengx gih, gyaeujvunz siujsoq minzcuz ciemq gyaeujvunz daengx gih 37.52%，beij bi 2010 gyalai 0.34%.

Gangj daengz gij ranz minz- cuz doxgyaux, Gvangjsih bi 2020 gij soq ranz miz Bouxgun caeuq siujsoq minzcuz doxgyaux de beij bi 2010 gyahwnj gyawj 30%, gij soq ranz miz siujsoq minzcuz doxgyaux de beij bi 2010 gyahwnj gyawj 25%.

Aen hoih lwnh saehmoq neix naeuz, gij soq baihgwnz neix langhbaij cingcuj gij yiengh- siengq neix: Haujlai nanz dox- daeuj Gvangjsih gizgiz cungj ciuq minzcuz cwngcwz guhdaengz caezcup, yawjnaek hwngfat siuj- soq minzcuz baenzmaz bae, coinyoengx gak minzcuz guhdoih caezhoz baenaj, guhdoih mwn- hoengh hwngfat.

（Vangz Lingyenz）