●5 nyied 13 hauh, Swcigih Caiz- cwngdingh lwnh vunzlai, daengx gih gungh gemjnoix gij cienz dajsuenq guh“cienz- yungh sam goeng song yungh”（cienzyungh ok rogguek banh saeh goenggya、cienz- yungh ciepdaih gunghvu、cienzyungh baujndei ci gunghvu、cienzyungh hai hoih caeuq cienzyungh sonlienh）3 ik lai maenz, gij cienz gemjnoix ndaej neix comz yungh guh gij hongsaeh nyomq gvendaengz gyauyuz.

（Couh Hungzmeiz）

●Gaiq Cibbet Sam Cung Cienzhoih Aendangj doxdaeuj, Swcigih Dangjveij yamq onj ciuq mbaek doinyoengx hongsaeh gizgiz gyalaeg gaijgwz. 7 bi lai doxdaeuj, gih raeuz gungh ndabaij 1600 lai aen gaijgwz yinvu, guh ndaej buek hongbaenz cidu caeuq saedguh, langh rengz hungloet hawj daengx gih ginghci ndawbiengz hwngfat.

（Vangz Cunhnanz）

●5 nyied 15 hauh dwg ngoenz gozci gyahdingz. Ciuq Swcigih Fulenz ceiq gyawj gyoepsuenq, haj bi doxgyawj neix gih raeuz gak dieg gungh miz 13.8 fanh aen“gyahdingz ceiq gyaeundei”, ndawde miz 10 aen gyahdingz ndaej heuhguh daengx guek gyahdingz vwnzmingz, 180 aen gyahdingz ndaej heuhguh daengx guek“gyahdingz ceiq gyaeundei”, 96 aen ndaej heuhguh daengx guek“gyahdingz haj ndei”.

（Liuz Li）

●Suenq daengz dangqnaj Vuzcouh Si Cangzcouh Gih cauhlaeb 42 aen gih yienghbanj nungzyez linzyez, gungh cauh- laeb gih yienghbanj 1.57 fanh moux. Bi’gvaq doxdaeuj, Cangzcouh Gih sonlienh nungzminz 856 vunzbaez, hawj nungzminz doxgyawj ndaej hong guh 2838 vunz- baez.

（Banh Dwngh潘 登）