Seizcin daeuj lo, gou caeuq gyoengq doih youq baihrog guhcaemz, ndit raeujrub dak gwnz ndang dou, dujva unqnem hailangh. Gou naeuz: “Sou yawj vei, va hai ndaej geijlai gyaeundei ha!” Gyoengqdoih naeuz: “Dwg ha, mwngz yawj, va cungj dwg oiqupup ne.” Goliux ndawhongh cungj did ngaz lo. Gou sing hung hemq: “Sou vaiq di daeuj yawj, goliux geijlai unq geijlai gyaeundei ha!” Mwhde, miz boux doih he doeksaet hemq: “Vaiq di daeuj yawj vei, vaiq di daeuj yawj vei! Baenzlawz lij miz go ndeu caengz did ngaz ne?” Gou naemj: Go liux neix dwg caj mwh ndit ceiq haenq ceiq raeuj cij did ngaz ba!

Gou caeuq gyoengqdoih laebdaeb youq gyang va homfwd buet ha buet ha, mbouj rox seizlawz mbwn laep lo, gou youq laj va laj goliux sij mbouj ndaej caeuq gyoengq doih doxbiek lo.

(Neimungzguj Cifungh Si Sunghsanh Gih Daihroek Siujyoz Vang Hwzcingz)