“Daih’it, bae gizde ra yihyen yw gij baksieng gou ndei.”

“W! Deng, deng!”

“Daihngeih, bae ndawsingz hag yiengh song yiengh dinfwngz dauqma, mboujnex deng vunz naeuz gou mbouj miz maz bonjsaeh!”

“Ai! Miz ceiqheiq, miz ceiqheiq!”

“Ceiq youqgaenj couhdwg Siu Cuh hix aeu deq gou, song bi ndawde, gou hag mbouj ndaej dinfwngz couh mbouj dauqma, hoeng, mbouj mauhgvaq song bi, birawz ndwenbet cibngux, gou caiq daeuj cingj mwngz guhmoiz!”

“Mwngz itdingh aeu bae?”

“Itdingh!”

“Birawz ndwenbet cibngux itdingh dauqma?”

“Cij miz dauq gonq, mbouj rox doilaeng.”

“Ndei, ndei, gou itdingh bang mwngz lwnh gij vah neix hawj Siu Cuh.”

“Gyo’mbaiq Buzsimjsam!”

“Mbouj youqgaenj……”

Gij gietdingh Lungz Byauh byawz hix mbouj miz banhfap gaijbienq, daxmeh de cijndei lae raemxda vih de sousib hingzlij. Aenvih mbouj miz cienz, cij ndaej gai gaiq naz gvangqlangh hawj Cinz Dayenz ranz fouqmiz bae ndwi lo.(caengz sat)