Bouxlawz miz hojnanh,

Mbouj hawj ranz lawz vei,

Minzcuz doxgiet ndei,

Caux ndei guekcoj raeuz.

Caux ndei guekcoj raeuz,

Bouxhoj mbouj caiq miz,

2020 bi,

Gizgiz caez bienq fouq.

Doenghbaez hoj lumj gaeng,

Mbouj miz ngaenz cawx noh,

Caux ndei raeuz guekcoj,

Bouxhoj mbouj caiq miz.

Dangj son gak minzcuz,

Doq doxgiet cij ndei,

2020 bi,

Gizgiz caez bienq fouq.

Cibbet Daih gvaqdaeuj,

Gij laeuz gizgiz sang,

Minzcuz caez doxbang,

Doengz gyaranz beixnuengx.

Doenghbaez raeuz daiq hoj,

Byaij loh mbouj ngiengxgyaeuj,

Cibbet Daih gvaqdaeuj,

Gij laeuz gizgiz sang.

Dangj fuzbinz ciuqgoq,

Goengloh doeng daengz ranz,

Minzcuz caez doxbang,

Doengz gyaranz beixnuengx.

Cienz guek gak minzcuz,

Bouxboux rox caux moq,

Ndaem haeux youq gwnz fwj,

Ngaenzloh daengz bakdou.

Cungguek minzcuz lai,

Gvaq feizhaij hix guh,

Cienz guek gak minzcuz,

Bouxboux rox caux moq.

Bet sien caez gvaq haij,

Doxsaiq goengrengz moq,

Ndaem haeux youq gwnz fwj,

Ngaenzloh daengz bakdou.

Doxgiet goengrengz daih,

Riengz dangj byaij daengz gyaeu,

Dawz haij siu baenz laeuj,

Dawz rin daeuj guh gim.

Haj roek aen minzcuz,

Haj roek duj vamai,

Doxgiet goengrengz daih,

Riengz dangj byaij daengz gyaeu.

Dangj minzcuz cwngcwz,

Seizseiz youq sim raeuz,

Dawz haij siu baenz laeuj,

Dawz rin daeuj guh gim.

Dangj heuh raeuz hwnj mbwn,

Daihgya bin hwnj fwj,

Miz dangj daeuj yinx loh,

Feizhaij raeuz rox youz.

Dangj naeuz moeb duzguk,

Doq dub doq dawz cungq,

Dangj heuh raeuz hwnj mbwn,

Daihgya bin hwnj fwj.

Daj seizneix roengzbae,

Ndaej mbouj miz bouxhoj,

Miz dangj daeuj yinx loh,

Feizhaij goj gamj youz.

(sat)