●4 nyied 14 hauh, doengh gij hozdung“sam nyied sam Bouxcuengh·aen ciet hoengh Gvangjsih”de lumj langhbaij gij dinfwngz feihyiz （fwngzguh）、doxdax guh gijgwn feihyiz ndeigwn youh miz daegsaek、hawj vunz lai rox vwnzva lijyouz Gvangjsih daengj youq Nanzningz Cinghsiusanh Funghgingjgih guh.

（Lanz Minj）

●4 nyied 15 hauh, youq Yizcouh Aen Gingjgih Ranzgaeuq Samcej, miz vunz ciuq gij laexsoq Bouxcuengh cojcienz de coux- bawx haqlwg, gyoengq hekyouz yawj ndaej gvaqyinx lailai. Ciuq vunz lwnh, ngoenz de aen gingjgih neix ciepdaih hekyouz fanh vunzbaez doxhwnj.

（Liu Ginglingz）

●4 nyied 15 hauh, gij hozdung baenzroix“sam nyied sam Bouxcuengh·minzcuz dijyuz ak”bi 2021 de youq Nanzningz Si caeuq Hingh’anh Yen caemh hai guh.

（Yi Civeih）

●Duenh cuengqgyaj gvaq“sam nyied sam Bouxcuengh”doxdaeuj, Yungzsuij Myauzcuz Swciyen baengh gij daegsaek Myauzcuz gagmiz de dazyinx gak baih hekyouz, gij gingjdenj mbanj Myauzcuz de lumj Mungvuh、Yijbuz caeuq Siujdunghgyangh daengj lienzdaemh hwnghoengh dangqmaz bae.

（Lungz Dauh）