Bouxcuengh swcigih,

Gizgiz cingq ngamqseiz,

Mbanjcuengh fazcanj ndei,

Lumj ndaej naengh feihgih.

Lumj rim mbwn ndaundeiq,

Yienghyiengh raeuz caez miz,

Bouxcuengh swcigih,

Gizgiz dwg diegsien.

Minzcuz doxgiet ndei,

Saedceij raeuj lumj feiz,

Ranzcuengh fazcanj ndei,

Lumj ndaej naengh feihgih.

Minzcuz ndaej doxgiet,

Daegbied raeuz guekgya,

Lumj gyoengq rwi mbaet va,

Caez dawz ma caux dangz.

Gyoengq sien caez gvaq haij,

Mbouj daengz byai mbouj yiet,

Minzcuz ndaej doxgiet,

Daegbied raeuz guekgya.

Doxgiet goengrengz daih,

Feizhaij hix gamj gvaq,

Lumj gyoengq rwi mbaet va,

Caez dawz ma guh dangz.

Seizneix Cungguek raeuz,

Gij raeuj gvaq daengngoenz,

Cibseiq ik bouxvunz,

Sing riu mbwn yaek lak.

Vih saedyienh maqmuengh,

Hwnzngoenz riengz dangj caeuz

(byaij),

Seizneix Cungguek raeuz,

Gij raeuj gvaq daengngoenz.

Minzcuz daih doxgiet,

Dawz diet lienh baenz gim,

Cibseiq ik bouxvunz,

Sing riu mbwn yaek lak.

Hajroek duj vamoq,

Caez doengz go caemh ngeiq,

Minzcuz doxgiet ndei,

Caux guh seizdaih moq.

Gyaq giuz gvaq feizhaij,

Doengzsim hai gvangq loh,

Hajroek duj vamoq,

Caez doengz go caemh ngeiq.

(caengz sat)