Bonjbauq siusik（gicej Veiz Sangyungz Liengz Cingz） Cungh- vaz Minzcuz cungj caemh ranz ndeu, caezhoz guhdaengz siengjmuengh Cungguek. 4 nyied 8 hauh, aen yizsiz Gvangjsih hai guh“ndwen senhconz minzcuz doxgiet baenaj”de youq Fangzcwngzgangj Yenzbozyenz guh lo.

Gyangciengz miz gij sing go hoengz 《Ciengq Cit Fwen Ndeu Hawj Dangj Dingq》cingznaek youh ndeidingq de doxbuenx, aen hozdung comz yienj minzcuz vwnzyi“gyo aendangj riengz dangj byaij·hawj vunzlai cungj nyinh dwg aen Cunghvaz minzcuz ndeu” hai guh lo, neix dazyinx haujlai vunz daeuj yawj.

Gwnzdaiz miz bouxyienj haenq- rengz yienj cezmuz, lajdaiz miz bouxyawj bekfwngz mbouj dingz. Youq gyangciengz neix, mbouj suenq gij yienjok ndeiyawj dangqmaz neix ne, vanzlij miz hozdung baijok gij doz- siengq lieb’ingj hong minzcuz、senhconz minzcuz cwngcwz fazgveih dem gij saeh yienghbanj minzcuz doxgiet baenaj daengj, langhbaij liuxcaez gijneix: Miz minzcuz cwngcwz aendangj ciuqrongh, daengx gih guh hongsaeh minzcuz doxgiet baenaj dem hwngfat ginghci sevei ndaej baenzsaeh hungmbwk.

Ciuq vunz lwnh, daj 4 nyied 8 hauh daengz 5 nyied 8 hauh, Gvangjsih aeu“gyo aendangj riengz dangj byaij·hawj vunzlai cungj nyinh dwg aen Cunghvaz Minzcuz ndeu”guh cawjdaez, heuh daengx gih cungj guh ndwen senhconz minzcuz doxgiet baenaj.