●4 nyied 8 hauh, Swcigih Sanghvudingh daengj bumwnz hai Aen Hoih Lwnh Saehmoq Guh“Aenciet Siuyungh 33”Gvangjsih. Ciuq vunz lwnh, baez hozdung neix lienzdaemh guh 2 ndwen nanz; gak baih comz rengz guh 500 lai ciengz hozdung hawj doxgaiq gai bae lailai, hawj doxgaiq Gvangjsih gai doh daengx guek、hawj bonjdieg siuyungh suijbingz hwnj sang.

（Couh Hungzmeiz）

●4 nyied 8 hauh, Ginhcouh Si Caizcwnggiz ok siusik, bineix geiqdoh daih’it, Ginhcouh Si cujciz caizcwng souhaeuj 55.34 ik maenz, beij bi’gvaq caemh duenh gyalai 30.36%， youq daengx gih gyalai ceiq lai.

（Banh Yinzfungh）

●Mboengqneix, Swcigih Nungzyez Nungzcunh Dingh ok《Aen Fangh’an Guh Hangh- moeg Haifat Daengx Canjnieb Mbawcaz Doxlienz Gvangjsih Bi 2021》, doengh baih daeuz guh hanghmoeg de yaek ndaej 50 daengz 300 fanh cienz- ngaenz cienmonz.

（Cinz Cing）

●4 nyied 6 hauh, Cunghgoz Dezlu Nanzningz Giz Cizdonz Youjhan Gunghswh ok siusik, 4 nyied 2 daengz 5 hauh, Gvangjsih dezlu gyonj suenq gungh daehyinh vunz 177.5 fanh vunzbaez, beij bi- gvaq caemh duenh lai 117.7 fanh vunzbaez, gyalai 196.9%.

（Gangh Anh）