Seizcin yaeng’yaeng daeujdaengz lo,

Daeujdaengz diegnywj gvangqlangh,

Bang gyoengqde bu hwnj deihdamj raizrubrub;

Daeujdaengz byaifaex,

Hawj nyefaex sieng rim naednyawh heuswdswd.

Seizhah yaeng’yaeng daeujdaengz lo,

Daeujdaengz ndaw daemz,

Va’ngaeux ndiu daeuj ietnyanx ywdywd;

Daeujdaengz ndoengfaex,

Danz ok diuzgo rwenzgywdgywd.

Seizcou yaeng’yaeng daeujdaengz lo,

Daeujdaengz ndaw naz,

Haeuxnaz deng nyumx baenz henjrwgrwg;

Daeujdaengz suenmak,

Fatok feihmak homfwdfwd .

Seizdoeng yaeng’yaeng daeujdaengz lo,

Daeujdaengz ndoengfaex,

Gienj bae gij saek heuswdswd;

Daeujdaengz doenghnaz,

Ndaw naz bienzndaej hausagsag.

(seiq nienzgaep Goh Yangj)