Gou dwg naed raemxda ndeu, mwngz yaek cam gou dwg baenzlawz daeuj, neix gangj daeuj couh vah lai lo.

Miz baez ndeu, boux- cawj iq mwh cuengqhag ma ranz, youq gwnz loh deng laemx lo, naengnoh gaiqga deng lot, lij ok di lwed. Gou bonjlaiz youq ndaw ranz ndeindindi, sawqmwh mbouj rox deng byawz nyoengx mbat he, couh mbouj ceng- heiq daj gvaengzda boux- cawj iq lae okdaeuj lo.

Ndigah ha, gou cij youq mwh “cingzgvang gaenjgip” okyienh.

Laeglemx lwnh mwngz nyi, gou maj ndaej gyaeu lai bw! Geubuh gou ronghcingx ndongqlik, ndang gou luenzlu raeuzrwd. Hwhw, gou yienghneix mwngz raen gyaeu lwi?

Ranz gou vunz lai bw! Dahcej gou heuh “dahriu”, dwg raemxda angq, de dwg bouxcawj mwh angq riu okdaeuj; daegnuengx heuh “daegyou”, dwg raemxda siengsim, de dwg bouxcawj mwh gaujsi mbouj habgek lae okdaeuj. Gou ne, dwg raemxda indot!

Gangj daengz ndaw ranz, couh mbouj ndaej mbouj dwen daengz ndaek “yak” haeu cien nienz fanh daih haenx lo, de bonjlaiz dwg ndik raemxda manh ndeu, cix caeuq duzngozyiz doxyuk guhrwix、yaeuh vunz haih vunz、yak rwix guh caez! Daj neix hwnj cij miz coenz vah vunzlai ciengz gangj haenx—— raemxda duzngoz- yiz!

Neix couh dwg gou —— raemxda!

(seiq nienzgaep Banh Yinfeih)