●3 nyied 19 hauh, aen hoih lwnh saehmoq youz Sw- cigih Cwngfuj Sinhvwnzban banh de ok siusik, bineix daengz bi 2023, gih raeuz bi nda 400 ik maenz, haeujcoengh saenqhwng gunghyez, doinyoengx gunghyez hwngfat ndaej caetliengh sang yamq hwnj mbaek moq.

（Loz Vanli）

●Bi’gvaq doxdaeuj, Gvangjdungh Swngj Daihngeih Banggungz Gapguh Gungh- cozcuj hai lai cungj banhfap doinyoengx siuyungh bang- gungz. Suenq daengz dangqnaj gaenq coengh Gvangjsih gai bae 222.2 ik maenz nungzcanjbinj, ndawde bineix 1 daengz 3 nyied ndawcib gai bae 47.2 ik maenz.

（Veiz Giconh）

●Swcigih Caizcwngdingh ok siusik, gih raeuz geij ngoenz gonq roengz 103.24 ik maenz dangq cienzngaenz caizcwng bangbouj ciepswnj doinyoengx lajmbanj saenqhwng.

（Couh Hungzmeiz）

●Bineix 1 daengz 2 nyied, Bwzswz Si miz 1.5 fanh boux senj dieg youq nyienh haglienh dinfwngz, gyoengqde gaenq cienzbouh ceiq noix boux ndaej haglienh mbat ndeu gvaq. Gij bumwnz doxgven de youq gwnz nuengx caeuq yienhciengz banh gvaq 81 ciengz hoih sou vunz, coengh 1600 lai aen giyez ok 13.4 fanh vihhong sou vunz.

（Lingz Cungh）