Geij ngoenz gonq, Cunghgung Cunghyangh Bangunghdingh ok《Aen Dunghciz Gvendaengz Guh Ndei Hong Fat Aencieng Geiqniemh“Miz- naj Youq Dangj 50 Bi”》（baihlaeng gangj dinj baenz 《Dunghcih》）. 《Dunghcih》 naeuz, Dangjcungh- yangh baenzneix dingh, bineix baez daih’it fat aencieng geiqniemh“miznaj youq dangj 50 bi”. Neix dwg faenh hong youqgaenj angqhoh Cunghgoz Gungcanjdangj laeb ndaej 100 bi ndeu, de doiq gijneix mizyungh lailai: Hawj bouxdangjyenz lai raen miznaj、lai gag nyinhdoengz、lai rox rap maz, gyonjcomz gij rengz hung- hoengh daengx aen dangj mbouj dingz mbouj duenh buekguh hawj gij daj- suenq“cibseiq haj”caeuq gij moegbiu gyae bi 2035 de ndaej baenzsaeh dahraix.

《Dunghcih》gangj cingcuj le aen- cieng geiqniemh“miznaj youq dangj 50 bi”fat hawj byawz, couhdwg fat hawj doengh bouxdangjyenz lixyouq caemhcaiq suenq daengz bineix 7 nyied 1 hauh youq ndaw dangj 50 bi nanz、daj gyaeuj daengz rieng cungj guh ndaej ndei. Aen dunghcih neix heuh gak gaep dangjcujciz lailai yawjnaek faenh hong neix, ciuq gij cingzgvangq bonj bumwnz caeuq danhvei, guh ndei hong gyoepsuenq、ndabaiz vunz caeuq saeh fathawj aencieng geiqniemh, bauj boux- dangjyenz hab diuzgienh de 7 nyied 1 hauh gaxgonq ndaej aencieng geiq- niemh, raen aen Dangjcunghyangh aeu Siz Ginbingz dungzci guh haedsim de gvansim gyoengqde couh sim raeujrubrub.

Baez daih’it fat aencieng geiq- niemh“miznaj youq dangj 50 bi”gvaqlaeng, neix dwg yiengh hong bingzciengz cungj guh ndeu, baez bi daengz“caet it”gyonjcomz fat mbat ndeu. Geij ngoenz gonq, ndaej Dangjcunghyangh doengzeiq, Cungh- yangh Cujcizbu yaenqfat gvaq《Aen Banhfap Guenjleix Hongsaeh Fat Aencieng Geiqniemh“Miznaj Youq Dangj 50 Bi”》, ndawde gvidingh mbaek gonq mbaek laeng、baenzlawz fathawj、cauhguh、guenjleix aencieng geiqniemh daengj.

（ciuq Sinhvazse）