●3 nyied 5 hauh, aen hozdung gyonjcomz guhyiengh guh ndwen daengx gih hag Leiz Fungh gagnyienh fugsaeh vunzlai de youq Vuzcouh（hoihciengz daeuz）heijdaeuz, 13 aen si wnq hix caemh seiz banh aen hozdung gyonjcomz guhyiengh（hoihciengz iq） .

（Banh Dwngh）

●3 nyied 4 hauh, Sw- cigih Vwnzva Caeuq Lijyouz Dingh、Gvangjsih Gvangjbo Densidaiz guhdoih guh aen yizsiz heijdaeuz guh hozdung angqhoh Cunghgoz Gungcanj- dangj laebbaenz bak bi doigvangq Gvangjsih gij sienqloh ndei lijyouz hagsib gwzming de, fatok 10 diuz sienqloh doi hawj vunzlai.

（Vuz Libingz）

●Geij ngoenz doxgyawj neix, Swcigih Cwngfuj Ban- gunghdingh fat《Aen Dunghcih Gvendaengz Yamq Maenh Guh Ndei Hong Bineix Dajndaem Haeuxgwn》, dingh bineix daengx gih dajndaem 4215 fanh moux haeuxgwn、aeu soundaej 1373 fanh dun, bineix gak si najdieg dajndaem caeuq soundaej haeuxgwn aeu beij bi’gvaq lai.

（Cinz Cing）

●Bineix, Nanzningz Si Gyanghnanz Gih haihong guh 21 aen hanghmoeg moq、gungh roengz 148.64 ik maenz, guh 28 aen hanghmoeg gaeuq、gungh roengz 497.78 ik maenz, guhsat caemhcaiq ndaej yungh 7 aen hanghmoeg、gungh roengz 25.97 ik maenz.

（Goh Cauhcenz）