Youq mwh hai Aen Daihhoih Cungjgez Haenhndei Daengx Guek Gunggeng Duetgungz, boux gaxgonq dwg Bwzswz Siveij Senhconzbu Lij- lungoh gohcangj、ndaej baij youq Lozyez Yen Sinhva Cin Bwzniz Cunh dang suhgi daeuz de Vangz Vwnzsiu ndaej Cunghgung Cunghyangh、Goz- vuyen heuhguh “Bouxyienghndei Daengx Guek Gunggeng Duetgungz”. Gvangjsih 92 boux goyinz wnq 69 aen cizdij guh hongsaeh gunggeng duetgungz baenzsaeh lailai ndaej haenhndei.

Vangz Vwnzsiu doegsaw bizyez le gag cingjgouz bae Bwzniz Cunh dang boux suhgi daeuz. De daiqlingx daengx aen cunh cienzbouh duet- gungz. 2019 nienz 6 nyied, de deng raemxrongz cung le daimingh lo, dandan ndaej 30 bi; gvaqlaeng ndaej haenhndei heuhguh“daengx guek boux dangjyenz maenhndei”“boux- yienghndei seizdaih”“bouxyienghndei daengx guek gunggeng duetgungz”daengj.

Gvangjsih 92 boux senhcin goyinz wnq dwg bouxyienghndei henzndang、boux senhfungh mozfan. Ndawde miz 4 boux dwg boux ganbu banggungz daimingh gvaq lo. Gyoengqde aeu diuzmingh gangj cingcuj aen simnduj caeuq sawjmingh boux gungcanj- dangjyenz dwg gijmaz. 69 aen senhcin cizdij mbouj lau haemzhoj dawzhwnj rap naek, baijok aensim daih gyaez aenbiengz, gyonjcomz gij rengz hunghwd gunggeng duetgungz.

（Veiz Giconh）