●2 nyied 23 hauh, aenhoih 2021 nienz daengx gih guh goengloh bujdungh de ok siusik, bineix, gih raeuz haenq- rengz ceng roengz 309 ik maenz dingh guh goengloh bujdungh, langh rengz caez doinyoengx gij hanghmoeg guh aen muengx roen、seiq guh it doeng、ganq goengloh lajmbanj.

（Vuz Libingz）

●2 nyied 16 daengz 24 hauh, Gvangjsih Yindwz Ciz- donz boiqhab gih raeuz gak dieg yinzse bumwnz, mbouj sou cienz yinh nungzminzgungh daengz dieg guhhong, 9 ngoenz gungh yinh 9419 boux dajgoeng bae ranghdieg samgak Dah- cuhgyangh dauq guhhong.

（Vangz Gingzcauh）

●Bi’gvaq, Gveigangj Si Gangjbwz Gih caizcwng souhaeuj ndaej gyalai, baez daih’it mauhgvaq 30 ik maenz, ndaej 30.57 ik maenz, beij bi- gyai caemh duenh gyalai 17.6% ik maenz, cungj souhaeuj youq Gveigangj baiz daih’it.

（Luz Hungzya）

●Ciuq gijsoq caz ndaej, bi’gvaq Cungzcoj Si sojmiz gihminz bingzyaenz ndaej gij souhaeuj gag gaemguenj de 2.22 fanh maenz, beij bi’gyai caemh duenh gyalai 6.1%.

（Cinz Mingzgvei）