Gou gyaez yawj saw, moix ngoenz gou cungj anbaiz di seizgan daeuj yawj sawgovai. Youq ndaw hagdangz moix ngoenz yawj buenq diemj cung, youq ndaw ranz, haeujninz gaxgonq yawj buenq diemj cung.

Gou doeg gvaq haujlai saw, miz《Vunz Sigdaeuz》、《Siujlog Banhbij》、《Gijhemq Ndoifwz》、《Gojsaeh Gamj- aen》、 《Daxmeh Gangj Gojgaeq》、《Gojlwgnyez Anhduzswngh》、《Dahsau Lwgbug》……

Youq baenzlai saw ndawde ceiq hawj gou gamjdoengh dwg 《Dahsau Lwgbug》.《Dahsau Lwgbug》baihdaw gangj miz boux gunghcuj ndeu, de gyaeundei simsienh gvaigvet, heuhguh Lwgbug. Miz lwgvuengz ndeu, de dwg lwgvuengz baenzmbauq miz caiz youq ndawsim haujlai gunghcuj simgyaez haenx. Hoeng lwgvuengz mbouj gyaez gij gunghcuj neix, de cij gyaez dahsau Lwgbug, hoeng lwgvuengz cix mbouj rox dahsau Lwgbug youq gizlawz, de cam gvaq haujlai vunz, hix mbouj miz vunz rox. Doeklaeng de bae cam boux yahgeq ndeu, yahgeq lwnh de: “Dahsau Lwgbug youq ndaw aen ndoengfaex hung ndeu.” Lwgvuengz rox le, couh hwnzngoenz ganjloh, bae daengz ndaw ndoengfaex hung ra dahsau Lwgbug, mboujguenj rumz bongj fwn rwed, ndit dak nae daenz, de cungj mbouj doiqdauq, de ginggvaq haujlai dwg- rengz sinhoj, dauqdaej ra raen dahsau Lwgbug lo. Doeklaeng gyoengqde youq itheij gvaq hwnj le saedceij vuenyungz.

Yawj daengz gizneix, gou rox le aen dauhleix ndeu: Cijaeu genhciz, roengzrengz bae guh, couh miz sou- ndaej.

Doegsaw sawj gou rox ndaej haujlai dauhleix, doegsaw hawj gou vaiqlag, gou gyaez doegsaw.

(bouxlauxsae son’gyauq Veiz Funglingz)