●2 nyied 11 hauh daengz 17 hauh, daengx guek gij giyez daeuz guh gailing caeuq guh gijgwn gijndoet de gungh gai bae doxgaiq 8210 ik maenz, beij bi’gvaq cou gvaqcieng dijcienz de gyalai 28.7%, beij bi’gyai cou gvaqcieng dijcienz de gyalai 4.9％.

（Vangz Yijsiuh）

●Ciuq gyoepsuenq, Guengj- doeng bi’gvaq daengx bi cawx roxnaeuz coengh gih raeuz dieg gungzhoj gai gij doxgaiq lajmbanj、doxgaiq banggungz gungh 215.43 ik maenz, hawj 30.31 fanh vunz ranzgungzhoj lai ndaej souhaeuj.

（Veiz Giconh）

●2 nyied 18 hauh Cunghgoz Dezlu Nanzningzgiz Cizdonz Youj- han Gunghswh ok siusik, duenh cuengqgyaj gvaqcieng 7 ngoenz neix, Gvangjsih dezlu bumwnz gyonjsuenq doz hek 119.4 fanh vunzbaez, beij bi’gvaq caemh duenh gyalai 30.1%, daeh huq 253.4 fanh dun, beij bi- gvaq caemh duenh gyalai 9.7%.

（Gangh Anh）

●Ciuq gyoepsuenq mbouj liux, duenh gvaqcieng Bingzgoj Si Gyauyuzgiz、Caizcwnggiz、Veigengiz daengj 12 aen gihgvanh danhvei caeuq gij giyez gyaez coengh vunz caeuq boux gyaez coengh vunz gungh soengq moeg、ndangdaenj seizdoeng caeuq doxgaiq bingzciengz gvaq- ngoenz yungh gungh dij 35.9 fanh maenz de hawj 2217 boux lwgnyez louzmbanj caeuq hagseng gungzhoj.

（Veiz Bungzyen）