2 nyied 20 hauh banhaet, aen Daihhoih Heuh Vunzlai Hag Son Lizsij Aendangj de youq Baekging hai. Cunghgung Cunghyangh cungj- suhgi、gozgyah cujsiz、Cunghyangh Ginhveij cujsiz Siz Ginbingz camgya hai hoih caemhcaiq gangj gij vah youqgaenj. De giengzdiuh, daengx aendangj cungj hag caeuq son lizsij aendangj, dwg aen gietdingh hung- mbwk ndeu, dwg Dangjcunghyangh suenqveh aendangj hwnjdin baenaj bak bi moq、comz naemj daengx aenbuenz Cunghvaz Minzcuz fukhwng hungmbwk caeuq aenbuenz daih gaijbienq daengx seiqgyaiq bak bi doxdaeuj caengz miz gvaq、vihliux heuh daengx aendangj daengx guek gak boux gak baih cungj rengzrwd guh hongsaeh gizgiz cungj cauhlaeb aen guek sevei cujyi yendaiva cix baenzneix gietdingh. Bouxdungzci daengx aendangj aeu guhdaengz hag lizsij rox dauhleix、hag lizsij lai gag saenq、hag lizsij gingq daudwz、hag lizsij ak guhsaeh, hag lizsij aendangj、rox swhsiengj、banh saehsaed、hwnj- din moq, aeu miz cungj yienghsiengq rengzrwd bonghfoz de bae haenqrengz hwnjdin moq guh hongsaeh gizgiz cungj cauhlaeb aen guek sevei cujyi yendaiva, aeu baenzsaeh ndeindet ciepcoux aendangj laeb ndaej bak bi.

Cunghgung Cunghyangh Cwng- cigiz cangzveij Lij Gwzgyangz、Liz Cansuh、Cau Lozci、Hanz Cwng, gozgyah fucujsiz Vangz Gizsanh camgya haihoih, Cunghgung Cungh- yangh Cwngcigiz cangzveij Vangz Huningz ndabaiz aen hoih neix.

Siz Ginbingz gangjvah vixok, daengx aendangj cungj hag son lizsij aendangj, neix youq ndaw cwngci swnghhoz aendangj dwg gienh saehhung ndeu. Daengx aendangj cungj aeu dawznaek yawjnaek, hwnj giz lai sang bae naemjngeix, ciuq cingzgvang caen、ciuq gij guhfap doiqcinj gaxgonq hengz caemhcaiq rox cauhmoq, ciuq byauhcunj sang guhndei guhsat gak aen yinvu hag son. It dwg gya rengz cujciz caeuq lingjdauj. Ngeih dwg dawzcinj gij yawjfap lizsij aendangj. Sam dwg caen coengh beksingq banh saehsaed gej saehhoj. Seiq dwg lai roengzrengz ok gij guhfap moq bae guh hongsaeh hag son.

（ciuq Sinhvazse）