Geij ngoenz gonq, Gvangjsih Bouxcuengh Swcigih Yinzminz Cwngfuj Vwnzva Caeuq Lijyouz Dingh doekdingh daihbet buek swcigih gaep feihvuzciz vwnzva yizcanj daibyaujsing hanghmoeg mingzloeg, buek neix gungh miz 152 hangh ndaej senj haeuj mingzloeg. Buek mingzloeg neix baudaengz faenzhag ndawbiengz, yinhyoz cienz- doengj, foux cienzdoengj, heiq, dijyuz cienzdoengj 、youzyi、cazgi, meijsuz cienzdoengj, yw cienzdoengj, minzsug 9 loih hanghmoeg, gungh miz 152 aen, gijsoq hanghmoeg ndaej senj haeuj de dwg haujlai bi doxdaeuj ceiq lai. Ndawde, gij heiq、meijsuz cienzdoengj gak miz 3 aen, faenzhag ndawbiengz、yinhyoz cienzdoengj、foux cienzdoengj gak miz 8 aen, dijyuz cienzdoengj、youzyi caeuq cazgi miz 11 aen, yw cienzdoengj miz 13 aen, minzsug miz 22 aen, dinfwngz cienzdoengj gungh miz 76 aen, ciemq cungjsoq 50%, dwg gij loih feihyiz miz hanghmoeg ndaej senj haeuj ceiq lai de.（Bangz Gwzbingz）