Nyienhmuengh gou dwg dang boux canghveh ndeu.

Gou daj iq couh gyaez veh veh, ngamq hainduj hag couh veh gij veh genjdanh. Yienznaeuz veh ndaej mbouj ndeiyawj, hoeng gou itcig roengzrengz bae veh. Geiq ndaej mwh gou it nienzgaep, lauxsae hawj dou banh bauqfwngzcau, dwgrengz lai lo, gou mbouj rox veh, couh lienz go faex he cungj heuh daxmeh bang veh. Seizneix gou rox veh lo, mboujguenj gou ra gij doz geijlai hoj veh, gou cungj veh ndaej hwnjbae, vanzlij daz gij saek hix gig ndeiyawj.

Youq mwh veh veh, gou rox aen dauhleix ndeu: “Cijaeu roengzrengz, couh guh ndaej ndei. Gou yawj gvaq mbangj mbawveh gig gyaeundei he, gou maqmuengh caeuq gyoengqde ityiengh veh ndaej gig ndeiyawj, hoeng gou seizneix veh ndaej lij mbouj ndei geijlai.

Vihliux saedyienh gij nyienhmuengh gou, gou seizneix ndeindei hagsib, majhung le bae hag cihsiz meijsuz engq ciennieb, saedyienh gij nyienhmuengh gou, dang boux canghveh ndeu. Gou itdingh mbouj hawj gij siengjmuengh gou siengj ndwi! Gou itdingh dang ndaej hwnj boux canghveh ndeu!

(ngeih nienzgaep Yang Vei)