Ciuq Swcigih Vwnzva Caeuq Lijyouz Dingh naeuz, duenh gyajgeiz yenzdan, daengx gih gungh ciep hekyouz 748.26 fanh vunzbaez, lijyouz siuyungh bae 53.11 ik maenz.

Duenh gyajgeiz neix, haujlai ranzvunz ceiq maij youz dieg gyawj、dieg henz hawsingz. Ciuq Gvangjsih lijyouz daih soqgawq baijok, doengh hekyouz daengx gih ciepdaih de, hekyouz ndaw gih daihgaiq ciemq 63.4%. Vih hawj lijyouz lai cungj lai yiengh, gih raeuz gak aen lijhingzse daeuz youq duenh gyajgeiz gaxgonq couh doiok gij lijyouz canjbinj miz daegsaek“roengz baihnamz ndoj nit”, dazyinx ndaej haujlai hekyouz rog gih.

Gaenriengz yiengh lijyouz coengmingz de ngoenz beij ngoenz lai, hekyouz“daezgonq dingh youz、senq dingh feidou、ndoj seizndaet youz”menhmenh bienqbaenz sib- gvenq, duenh gyajgeiz neix, gak aen gingjgih daeuz hekyouz bingzonj mbouj luenh, mbouj ok gijmaz saeh ancienz, mbouj miz vunz gauq gij saeh daeuz famh gienzleih.

（Vuz Libingz）