Geij ngoenz gonq, banj Saw- cuengh《Huz Ginjdauh Vwnzsenj》gienj daih’it daengz daihsam caeuq banj Sawmungzguj、Sawcangvwnz、Sawveizvuzwj、Sawhahsazgwz、Saw- cauzsenj、Sawyizvwnz daengj caet banj saw minzcuz bonj saw neix, ndaej fanhoiz sat caez gvaq, youq daengx guek okbanj fathengz.

Cunghgung Cunghyangh Vwnz- yen Benhciz Veijyenzvei bien le《Huz Ginjdauh Vwnzsenj》 gienj daih’it daengz daihsam, 2016 nienz 9 nyied youz Yinzminz Cuzbanjse okbanj. Cunghgoz Minzcuz Yijvwnz Fanhyizgiz gyoebcomz aendoih fan- hoiz saw minzcuz daengx guek, guh 4 bi nanz, daengz bineix 12 nyied guh sat hong fanhoiz《Huz Ginjdauh Vwnzsenj》baenz caet cungj saw minzcuz. Banj saw saujsu minzcuz《Huz Ginjdauh Vwnzsenj》okbanj fathengz, doiq daengx guek saujsu minzcuz ganbu、ginzcung haeujlaeg hag gij hongbaenz lijlun youqgaenj gvendaengz Majgwzswh cujyi bienq hab Cungguek, yaengx sang mbawgeiz sevei cujyi miz daegsaek Cungguek, haenqrengz aeu yiengh sevei cujyi miz daegsaek Cungguek ndaejhingz hung- mbwk, itdingh langh ok gij rengz doinyoengx rengzrwd bae.

Banj Sawmungzguj、Sawcang- vwnz、Sawveizvuzwj、Sawhahsazgwz、Sawcauzsenj《Huz Ginjdauh Vwnz- senj》de youz Minzcuz Cuzbanjse okbanj fathengz. Banj Sawcuengh、banj Sawyizvwnz《Huz Ginjdauh Vwnzsenj》faenbied youz Gvangjsih Minzcuz Cuzbanjse、Swconh Minzcuz Cuzbanjse okbanj fathengz.

（ciuq Sinhvazse）