Bonjbauq siusik（gicej Dangz Lungz）12 nyied 23 hauh、12 nyied 24 hauh caeuq 12 nyied 30 hauh, Gvangjsih Bouxcuengh Swcigih Minz- cuz Yijyenz Vwnzsw Gunghcoz Veij- yenzvei（baihlaeng gangj dinj baenz Swcigih Minzyijveij）gonqlaeng youq《Gvangjsih Yizbau》、Gvangjsih Minz- cuz Bau Vangj caeuq《Gvangjsih Minzcuz Bau》（banj Sawcuengh）fatbouh goenggauq, fatbouh 406 aen swz gveihfan Sawcuengh de caemh- caiq hawj vunzlai ciuq yungh.

Doenghgij swz neix dwg daih- seiq buek swz gveihfan Sawcuengh, dwg Swcigih Minzyijveij vihliux doinyoengx Sawcuengh gveihfanva、byauhcunjva、sinsizva, gyoebcomz mbangj lauxcangh Vahcuengh Saw- cuengh lwnhyaeng mbangj swz Sawcuengh gvendaengz fatlwd caeuq saeh hoengh ndawbiengz de cix dinghndei.

Bineix saemjdingh swz moq Vahcuengh, cawzok doenghgij swz faplwd ndaw《Cunghvaz Yinzminz Gunghozgoz Minzfazdenj》youz Cunghgoz Minzcuz Yijvwnz Fanhyizgiz hai aen hoih canghfanhoiz saemj- dingh gvaq de mbouj suenq, vanzlij baez daih’it saemjdingh doenghgij swz moq Vahcuengh youz gij danhvei Swcigih Minzcunghveij sohguenj de bingzciengz guhhong yungh daengz le soucomz hwnjdaeuj、yungh de deih- daenz.

Vihliux guh ndei hong soucomz、fanhoiz、saemjdingh caeuq fatbouh swz moq Vahcuengh, Swcigih Minzyijveij 3 bi doxriengz fatbouh sam buek gungh 1866 aen swz gveihfan Vah- cuengh, bi saemjdingh mbat、fatbouh mbat swz gveihfan Vahcuengh, yiengh guhfap neix bi beij bi ndei.