12 nyied 7 hauh daengz 9 hauh, aenban sonlienh boux guh cezmuz vah minzcuz ndaw gvangjbo densi de youq Cungzcoj Siveij Dangjyau banh, aenban neix youz Cungzcoj Si Minzcunghveij、Cungz- coj Si Gvangjbo Densidaiz doxgap banh. Gungh miz 26 boux camgya sonlienh. Gyoengqde dwg Cungzcoj Si Gvangjbo Densidaiz caeuq gak yienh（si）yungzmeizdij cunghsinh ndawde doengh boux guh cezmuz、boux bohyinh cujciz、boux bienguh cezmuz vah minzcuz.

Aen ban neix hwnj dangz Sawcuengh giekdaej, bouxlauxsae hwnjdangz son bouxhag hag sing- meh caeuq yinhmeh Sawcuengh, caemhcaiq lienh doeg Sawcuengh, hawj vunzlai rox doeg Vahcuengh biucinj.

Aenban neix hwnj dangz boux cujciz baenzlawz gag gya ndei yienghsiengq, boux cujciz cezmuz Vahcuengh 12 bi nanz ndaw Gvangjsih Gvangjbo Densidaiz de Vangz Lili sijsaeq gangj baenzlawz fatyaem、doeg cihsaw Vahcuengh, caiqlij cangyiengh、daenj ndang- daenj daengj; doengzseiz, dox- doiqnaj bingz gij cezmuz Vahcuengh youz bouxhag guh de, caemhcaiq vixok wnggai baenzlawz gaijndei.

Cawzok gijneix mbouj suenq, aenban neix lij hwnj dangz son bouxhag baenzlawz ok sawcih ndaw cezmuz vahdoj Vahcuengh vanzlij dangz fanhoiz Vahcuengh daengj, hawj bouxhag rox baenzlawz fanhoiz gij saw ndaw cezmuz Vahcuengh, hawj cezmuz guh ndaej lai ndei.

（Lungz Yenyingh）