Bonjbauq siusik（gicej Dangz Lungz）12 nyied 12 hauh banhaet, aen daihhoih angqhoh Fuzlungz Yauzcuz Yangh laebbaenz 30 hopbi de youq ndaw yangh neix cunghsinh siujyoz hoengh banh. Bouxdonzcangj aendonz angqhoh Swcigih Minz- cunghveij、boux fusuhgi Swcigih Minzcunghveij dangjcuj、boux fucuj- yin Swcigih Minzcunghveij Lij Cinlinz gangjvah angqhoh. Doengh boux- lingjdauj daibyaujdonz Hozciz Si、Yizcouh Gih camgya aen daihhoih angqhoh. Aen yangh neix boux- lingjdauj ndaw ban dangjveij、gyoengq daibyauj vunzlai caeuq gyoengq hekndei camgya hozdung angqhoh.

Lij Cinlinz daibyauj Swcigih Minzcunghveij angqhoh aen yangh neix laebbaenz 30 bi caemhcaiq guh- baenz haujlai hongsaeh. De naeuz, Fuzlungz Yauzcuz Yangh ndaej hwng- fat gaijbienq haujlai, neix langhbaij gij minzcuz cwngcwz aendangj ndaejhingz hungmbwk. Maqmuengh vunzlai gak minzcuz Fuzlungz dingjmaenh yaengx hwnj mbaw geiz hungmbwk yiengh sevei cujyi miz daegsaek Cungguek, dingjmaenh aeu Siz Ginbingz gij swhsiengj yiengh sevei cujyi miz daegsaek Cungguek seizdaih moq de vixyinx, gaenjndaet hopheux aen moegbiu daeuz“Cunghvaz minzcuz ranz vunz ndeu、caezhoz caemh laeb loqsiengj Cungguek”, caiq ok rengz lai lai cauhlaeb aen Gvangjsih gyaeundei, doengzcaez saedyienh loqsiengj fuk- hwng.

Mwh guh hozdung angqhoh, aen daibyaujdonz Hozciz Si、Yizcouh Gih soengq cienz camnai hawj aen yangh neix caemcaiq daengz Fuzlungz Segih guh hozdung camnai. Boux yanghcangj aen yangh neix lwnh vunzlai 30 lai bi doxdaeuj aen yangh neix ginghci sevei hwngfat guh baenz gijmaz. Gyoengq- vunz camgya hozdung yawj vunz Yauzcuz ndaw yangh neix yienj doengh gij cezmuz miz daegsaek lumj《Saenzfeiz Angq》《Foux Diuzhanz》《Mbanjyauz Fuzlungz Mbouj Lumj Bingzciengz》 《Foux Gaeuvaiz》 daengj.

30 bi doxdaeuj, Fuzlungz Yauz- cuz Yangh gaijbienq baenz mbwn fan deih boek bae, gaijbienq nungzyez canjyez gezgou baenzsaeh lailai, vunz raen diegyouq lai ndei youq raeuh, hongsaeh aenbiengz mwnhoengh hwngfat, lwgminz ndaejleih ngoenz beij ngoenz lai. Bi 2019, daengx yangh vunz youq lajmbanj suenq daeuj moix boux ndaej 12930 maenz haeuj daeh gag gaem gag yungh, bingzyaenz bi gyalai 9.5%.