Seiziq, gou miz haujlai saeh- yinx, lumj doxcaez diuqcag, guh- caemz gietnae, it ngeih sam vunz- moegdaeuz……Hoeng gou ceiq maij dwg vut sujbaq.

Geiq ndaej seizhaenx gou ngamq ndaej roek bi, gou caeuq geij boux baengzyoux itheij guh- caemz, dou gvaengz baenz aen gien ndeu, Siujliengz youq rog gien cienq dwk, dou cix ciengq gij go lwgnyez. Hainduj lo, dou daihgya fwngz gaem fwngz ciengqgo: “Vut sujbaq, vut- sujbaq ……” Siujliengz gaem suj- baq youq rog gien buet ha buet ha, de laeglemx dawz sujbaq vut youq baihlaeng Siujyij, Siujyij cungj mbouj roxnyinh, doeklaeng daihgya cungj riuhaha, Siujyij roxnyinh saehcingz mbouj doiq, de ngeux- gyaeuj baez yawj: Boihseiz lo, mbaw sujbaq vut youq baihlaeng de lo. De sikhaek gip aeu mbaw sujbaq, lumj diuznaq liz gung nei, buet coh Siujliengz, siengj mbouj daengz Siujliengz vaiqvet naengh roengz aen diegnaengh Siujyij bae lo, yienghneix Siujyij saw lo. Bouxsaw yaek yienj aen cezmuz ndeu roxnaeuz gangj duenh vahriu ndeu, Siujyij couh gangj duenh vahriu ndeu, daeuq ndaej dou cungj riu ndaej diuz heujnaj yaek doek bae. Youh hainduj guhcaemz baez daihngeih lo, Siujyij youq rog gien buet, de dawz sujbaq vut youq baihlaeng gou, gou ngeuxgyaeuj gvaqdaeuj, vaxdawz mbaw sujbaq buet bae coh Siujyij, gig vaiq couh gaemh ndaej dawz Siujyij lo. Siujyij youh saw lo, de hojlienz dwk diuq duenh foux ndeu, de diuq ndaej genga gyaengjgyad, yak- yawj raixcaix, dou riu ndaej raemxda cungj rih okdaeuj lo. Dou yienghneix mbouj rox guh gvaq geijlai baez, dingq gvaq haujlai baez vahriu, diuq gvaq haujlai baez foux …… Ngoenz- haenx, beij gvaq ngoenzseng gou lij angq nе .

Neix couhdwg gij saeh seiziq mizyinx gou. Seiziq saehyinx mwngz youh dwg gijmaz ne? Vaiq daeuj caeuq gou gangjgangj vei.

(lauxsae son’gyauq Vangz Gveiyangh)