11 nyied 20 hauh, Sihlinz Yen youq Gujcang Cin Mbanjlaegdaek banh aen hozdung bi 2020 makgamdiengz “ngoenz hwnjhaw” caeuq gij yizsiz fatci. Bouxndaemmak hai cisamloek doz baenz loz baenz loz makgamdiengz henjrwkrwk、hoengzyanyan haenx daeuj gai, gyoengq lauxbanj soucawx hix gvaq caengh、gyau ngaenz、cang mak, guh dwk nyaengqfoedfoed. “Caengh gij mak gou gonq, yaep ndeu gou lij yaek bae daet 200 gaen mak dem.” Yienhciengz vunzlai vunzdaih、nauhyied dangqmaz. Ciuq gyoepsuenq, ngoenzde gij gyaq- cienz soucawx makgamdiengz dwg moix gaen 3.5 daengz 3.8 maenz, miz 8 ci mak fat bae daengx guek gak dieg, moix ci 30 dun, dij 180 lai fanh maenz. Seizneix, Sihlinz Yen ndaem miz 20.3 fanh moux makgam, ndawde ndaem makgamdiengz haemq lai, gaenq laebbaenz 53 aen diegguhyiengh caeuq suen makgam biucinj nungzyez cehsim.(Vangz Yenginz/黄燕群 )