11 nyied 19 hauh, Lozcwngz Mulaujcuz Swciyen “Ranzmbanj Mulauj” segih Lozcwngz·Sinhcin Saed- niemh Siujyoz hagseng hagsib gij “raedceij Mulauj- cuz”. Gij lizsij raedceij Mulaujcuz gig gyaenanz, funghgwz hix daegbied, dwg aeu faggeuz roxnaeuz fagdeu youq gwnz ceij raed deu baenz dozraiz. De dwg gij meijsuz conzdungj aeu ma cang ndaw ranz roxnaeuz banh gak cungj minzsuz hozdung Mulaujcuz cij yungh haenx, gij daegsaek deihfueng de gig naek, yienh’ok gij saemjgyaeu eiqsei yinxdaeuz gyoengqvunz Mulauj- cuz gag miz haenx. Gyawj geij bi neix daeuj, aen yienh neix gak aen hagdangz cungj gaenxmaenx banh gij hozdung “vwnzva minzcuz haeuj hagdangz”, yinx doenghgij hanghmoeg vwnzva “feihyiz” lumjbaenz raedceij Mulaujcuz daengj haeuj gwnzdangz cungh siujyoz, mizyauq coicaenh cienzciep caeuq hwngfat vwnzva minzcuz.

(Liu Gvanghfuz/廖光福)