11 nyied 20 hauh, Swcigih Yinzminz Cwngfuj cinjhawj Yungz- suij、Sanhgyangh、Nazboh、Lozyez、Lungzlinz、Lozcwngz、Dava、Duh’anh 8 aen yienh(swciyen) gungzhoj haenq- remq neix ndaej daj ndaw mingzdan yienhgungzhoj cawz okbae. Daengz seizneix, Gih raeuz sojmiz doengh gyaeujvunz gungzhoj hwnj dangjan ndaw 106 yienh（si、gih）miz yinvu guh hong banggungz haifat de duetgungz liuxcaez lo, 5379 aen cunh gungzhoj cawzok mingzdan liuxcaez, 54 aen yienh gungzhoj ndaej“duet mauh”caez.

Daj laemxsim hingzdingh hoenx ciengz ciengq gunggeng duetgungz doxdaeuj, yienznaeuz cienzngaenz mbouj gaeuq, danhseih gih raeuz yungh haujlai cienzngaenz bae guh hongsaeh gunggeng duetgungz. Daj bi 2016 doxdaeuj, daengx gih nda gak gaep caizcwng ok 729.65 ik cienz- ngaenz cienmonz, suenq daeuj bingz- yaenz moix bi gyalai 25%. Vihliux bauj daj goek guh ndei hong duet- gungz, gih raeuz dawzcinj bangfuz moix aen mbanj moix aen ranz vunz moix boux vunz, doigvangq gij daeg- saek canjnieb“5+2”yienh gaep、“3+1”cunh gaep, daengx gih canjnieb guh doh sojmiz dieg 96.8%, bi’gvaq daengx gih doenghgij ranz gungzhoj hwnj dangjan de moix boux ndaej 1.06 fanh maenz souhaeuj cinghseuq.

Ciuq gyoepsuenq, mboengq gunggeng duetgungz, daengx gih gungh senjok caemhcaiq baij ok 5379 boux suhgi daeuz caeuq 3.7 fanh boux gunghcoz duiyenz roengz mbanj youq, nda 52.3 fanh boux ganbu caeuq ranzgungzhoj gap baenzdoih bangfuz, guhdaengz mbouj lauq saek ranz saek boux. Youq ciengz ciengq mbouj raen siu mbouj miz hoenz neix, miz 167 boux ganbu vih guh hongsaeh bang- gungz daimingh lo.

（Dungj Vwnzfungh Vei Hwngz）