Bonjbauq siusik（gicej Veiz Yiveij sizsizswngh Cau Gozyui Cwngh Yijcouh）11 nyied 14 hauh daengz 15 hauh, aen hozdung daihhaj gaiq daengx gih siujhagseng doxdax aeu Vahcuengh biucinj gangj gojgaeq youq Nanzningz Swhfan Dayoz Cangz- gangh Yaugih guh, baez doxdax neix youz Swcigih Gyauyuzdingh guhdaeuz banh、Nanzningz Swhfan Dayoz ciep- banh.

Baez doxdax neix, doengh boux- doxdax gangj gojgaeq neiyungz lai cungj lai yiengh, miz gojgaeq minzcuz doxgiet、gunggeng duetgungz、dingj- hoenx binghraq bwtndat daengj, hix miz gojgaeq lwnh dauhleix、bouxvunz lizsij daengj, cawjdaez cingcuj, dajheiq hawj vunz gya rengz, fatyiengz le sevei cujyi cehsim gyacizgvanh caeuq gij cingsaenz seizdaih, langh- baij gij swhsiengj cawjdaez minzcuz doxgiet baenaj caeuq cukmaenh aen eiqsik Cunghvaz minzcuz dox- caemhcaez. Mwh doxdax, haujlai bouxdoxdax lij eu fwen、 diuq foux minzcuz、daz ngeihyienz、 dwk vaiq- banj daengj, baenzneix coengh gangj gojgaeq, neix langhbaij doenghboux hagseng ndaw ban Cuengh Gun song saw vah de dungxcaiz lai dinfwngz riengj, hawj doxdax lai ndeiyawj raeuh.

Baez doxdax neix gungh miz 122 bouxdoxdax daj daengx gih 37 aen yienh（si、gih）daeuj doxbeij. Ginggvaq song ngoenz doxdax, gungh bingz ok 20 boux ndaej itdaengjciengj、44 boux ndaej ngeihdaengjciengj, 58 boux ndaej samdaengjciengj.