Seiziq, gou miz haujlai saeh vaiqvued.

Geiq ndaej miz ngoenz ndeu, gou youq mbwq lo, gou couh heuh daxbuz daiq gou bae youzlozcangz guhcaemz, daxbuz couh naeuz: “Ndei, ndei, ndei, gou couh daiq mwngz bae!” Gou angqdwk diuq hwnjdaeuj. Daxbuz couh bae dawz ngaenzbau, lij dajcang yaep ndeu le, cij okdaeuj daiq gou bae youzlozcangz.

Gou caeuq daxbuz daeujdaengz youz- lozcangz le, gou gig vaiq buet haeuj ndaw bae, daxbuz riengz laeng swenj: “Menh di, siujsim laemx bw.” Gou naeuz: “Rox lo!” Yawjraen baihndaw miz haujlai cungj doxgaiq lwgnyez maij guhcaemz haenx, angq dwk cienq laeng heuh daxbuz: “Daxbuz vaiq di!” Daxbuz riudwk han naeuz: “Ndei ndei ndei, sikhaek daengz !”

Gizhaenx miz haujlai doxgaiq hab lwgnyez guhcaemz, miz aenbinengh, miz moegmax, miz ciyouzraemx, miz aencongzdanz, lij miz ci- doxbungq daengj.

Gou lienzmuengz diuq hwnj gwnz congzdanz bae, baez diuq couh danz hwnj sangsang bae, cungj gamjsouh de dwg gou ciuh vunz neix cungj lumz mbouj ndaej. Gou youq gwnz congz diuq hwnj diuq roengz, diuq ndaej daengx ndang cungj dwg hanh. Seiz cingq guhcaemz hwnjyinx, daxbuz cawx daeuj hab niuznaij he hawj gou ndoet, caen sangj ha!

Seiziq, vaiqvued lai lo

(lauxsae son’gyauq Vangz Geiyangh)