●11 nyied 12 hauh, ndwen hozdung vunzcaiz doxgyau Nanzningz—Dungh- mungz bi 2020 de hainduj lo. Bineix caemh youq“gwnz vangj+dangciengz” guh hozdung, doiok 18 aen hoz- dung, miz 14 aen hanghmoeg vunzcaiz youq gwnz yizsiz hainduj ndaej ciem hob- doengz, gij hanghmoeg neix dwg vunz daj Ngozlozswh、Dwzgoz、Yidali、Majlaizsihya、Sinhgyahboh daengj haj aen guekgya vanzlij Bwzgingh、Gvangjdungh daengj swngj (si) ndaw guek daiq daeuj.

（Gyauz Yaujyingz）

●11 nyied 10 hauh aen hoih yienhciengz doihaeuj daengx gih gyavaiq hwnqguh suijli gunghcwngz de hawj vunz ndaej rox, daj bineix doxdaeuj, gih raeuz gyoep- suenq roengz sat 161.36 ik maenz cienzngaenz hwnqguh suijli, ciemq gij yinvu bineix 122.7%, beij bi’gvaq gyalai 8.7%.

（Couh Yingj）

●Geij bi neix, Yilinz Si Fuzmenz Gih langh rengz hung hwnqguh roen lajmbanj, goengloh lajmbanj bienq lai、 bienq gvangq、bienq ndei gvaq, mbanjmbanj cungj doeng roensuijniz, neix couh coengh rengz gunggeng duet- gungz. Suenq daengz dangq- naj, aen gih neix gungh guh 426 diuz roensuijniz, guh youq 6 aen cin, 106 cunh（segih）.

（Cinz Bingz）

●Daj bineix doxdaeuj, Bwzliuz Si laebdaeb roengz 140 fanh cienzngaenz hwnq- guh gij gunghcwngz gya- maenh daezsang lajmbanj gwn raemx ancienz, guh gij gunghcwngz gyamaenh daez- sang lajmbanj gwn raemx ancienz Sizvoh Cin Sanhbingz Cunh Mbanjsuijgouj daengj 3 aen hanghmoeg, hawj 4161 vunz ndaej ikleih, ndawde miz 103 boux ranzgungzhoj.

（Lij Hungzgen）