“Beixmbauq ha, mwngz ceiq gyaez gwn gva gijmaz ne? Gou ceiq gyaez gwn gvehoengz.”

“Vihmaz ne?”

“Gvehoengz baenzgwn go. Beixmbauq ha, gou duenz mwngz goj ceiq gyaez gwn gvehoengz, dwg lwi?”

“Mwngz guhlawz rox ne?”

“Baezbaez gwn gvehoengz, mwngz cungj gwn ndaej ceiq lai ceiq lai bw.”

“Luenh gangj! Gou gwn ceiq noix go.”

“Mwngz yaeuh vunz bw. Meh gwn ceiq noix, de baezbaez cungj hawj gou caeuq mwngz gwn, de mbouj gwn, gwn goj dwg gwn di ndeu ndwi. Beixmbauq ha, mwngz rox meh gyaez gwn gva gijmaz lwi? Mwngz naeuz, meh vihmaz mbouj gyaez gwn gvehoengz ne?”

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh /卢奋长 hoiz）