10 nyied 27 hauh, aen yizsiz hai aenban Gvangjsih Sawcuengh Yozyau seizhoengq sonlienh Saw- cuengh de youq aen hagdangz neix guh. Ndaw hagdangz neix miz 6 aen ciennieb baudaengz minzcuz yinhyoz caeuq diuqfoux、son’gyauq lwgnyez caengz haeujhag、fugsaeh caeuq guenjleix lijyouz daengj gungh 70 lai boux lauxsae caeuq hagseng vanzlij vunz rog hagdangz guhdoih daeuj hag.

Baez sonlienh neix aeu《Saw- cuengh Giekdaej》（Swcigih Minz- yijveij bien）guh sawson, ndawde miz singyaem Vahcuengh、sawloih Vah- cuengh、gij cihsiz lizsij vwnzva Bouxcuengh、gij vwnzva yisuz Boux- cuengh daengj. Baez sonlienh neix miz lauxsae dangciengz son、lauxsae hagseng gag hag gag doxgyau dox- yaeng daengj. Aen ban neix daj 10 nyied 27 hauh daengz 12 nyied 27 hauh cungj hai, it cou singgeiz ngeih lajbyonghngoenz roxnaeuz banhaemh hwnjdangz （cou hwnj song dangz）.

（Liz Houhan Banh Lezyingh）