10 nyied 26 daengz 29 hauh, aenhoih Cunghgoz Gungcanjdangj Daihcibgouj Gaiq Cunghyangh Veij- yenzvei Daihhaj Baez Daengxcungq Veiyi youq Baekging hai. Cunghyangh Veijyenzvei cungjsuhgi Siz Ginbingz gangj gij vah youqgaenj. Daengxcungq vunz hai aenhoih neix caez dingq caeuq doxyaeng gij baugau youz Cunghyangh Cwngci Giz hawj Siz Ginbingz guh de. Cunghyangh Cwngci Giz guhdaeuz ndabaiz baez hoih neix.

Daengxcungq vunz hai aenhoih neix haeujsim saemjlwnh caemhcaiq doenggvaq le《Aen Genyi Cunghgung Cunghyangh Dingh Gij Vehsuenq Daihcibseiq Aen Haj Bi Caeuq Gij Vehsuenq Gyae Daengz Bi 2035 Gvendaengz Hwngfat Gozminz Ginghci Caeuq Aenbiengz》.

Daengxcungq vunz hai aenhoih neix hemqheuh, daengx aendangj daengx guek gak cuz lwgminz yaek doxgiet maenhndaet youq senqhenz aen dangjcunghyangh aeu Siz Gin- bingz guh cehsim de, caezhoz caemh- sim, haenqrengz buekguh, dwkhingz ciengz ciengq hwnqguh aen guek sevei cujyi yienghyiengh cungj guh- daengz yendaiva caez bae.

Daengxcungq vunz hai aenhoih neix caemh baenzneix nyinhnaeuz, bungzdaengz seiqgyaiq gak guek dox- gvanhaeh baenzneix lai baenzde luenh、gaiqrap gaijgwz hwngfat onj- dingh ndaw guek youh naek youh hoj dawz daegbied deng binghraq bwtndat cungdongj haenq lailai, aen dangj- cunghyangh aeu Siz Ginbingz guh cehsim de mbouj lumz goeknduj、dawz maenh gaiqrap, doxgiet daiqlingx daengx aendangj daengx guek gak cuz lwgminz gwn haemz gwn hoj caemh yamq baenaj、guh hong moq baenz saeh moq, buekrengz baenz- saeh doinyoengx gak yiengh hong- saeh aendangj caeuq guekgya baenaj, dingj hingz gak yiengh fungyiemj caeuq hojnanz, aenruz yiengh sevei cujyi miz daegsaek Cungguek de laebdaeb ndaej rumz nyoengx langh veq cungj bonghfofo、mbouj lau gijmaz sohsoh baenaj. Yawj gij saeh gvaqbae raeuz caiq ndaej raen, miz Siz Ginbingz dungzci guh cehsim dangjcunghyangh、daengx aendangj, gaem dox hai ruz, miz daengx aendangj daengx guek gak cuz lwg- minz doxgiet caemhsim、haenqrengz buekguh, youq gwnz roen baenaj raeuz itdingh dingj hingz gak cungj hojnanz, youq seizdaih moq raeuz itdingh lai miz rengz doinyoengx gij hongsaeh yiengh sevei cujyi miz daegsaek Cungguek de baenaj.

（Sinhvazse）