“Ngoenzneix cungjsuenq hawj gou deq ndaej lo.”

De yawj Lungz Byauh, gig unqswnh.

“Mwngz dwg mbouj dwg ngoenz- ngoenz cungj hwnj bya bae aeu fwnz?”

“W.”

“Gvaiq mbouj ndaej, mwngz hwnj gwnz bya bae, gou buet henz dah daeuj, caiq caj baenzciuh hix dangx- gaenz.”

“Hihi!”

De doq hob naengbak riunyumj doq dawz buhvaq ndaw bat okdaeuj saeg.

“Vei, mwngz lij riu dem! Gou yaek daej lubw!”

“Byawz dam mwngz daej roxnaeuz riu?”

De sawqmwh najndaem, Lungz Byauh deng hwk baez he.

“Heihei!”

“Vaiqdi deuz, gyoengqde hix yaek daeuj guhsaeg lo.”

“Gou ndwn youq gizneix youh mbouj famhfap.”

“Yaep he mwngz youh deng gyoengqde baeh lo.”

Lungz Byauh ngeix hwnj hax- baenh geij boux lwgmbwk bakmengx haenx, ndawsim lainoix miz di lau.

“Vei, cijaeu mwngz lwnh hawj gou coh mwngz dwg maz, gou sikhaek deuz.”

“Vihmaz aeu lwnh hawj mwngz? Mwngz lwnh coh mwngz hawj gou gvaq lwi?”

“Gou heuhguh Lungz Byauh.” De doq dap.

“Lungz Byauh?” De youh riu lo:“Ciuq gou gangj mwngz wnggai heuhguh Nyaenmeuz!”

“Youzcaih mwngz.” Lungz Byauh angqyangz coux aeu aen vamingz de bang hwnj, dauq cam:“Baenzneix, coh mwngz ne?”

De dauqlaeng muenghmuengh gwnz haenzdah,