Miz ngoenz ndeu gyanghaet, guek- vuengz daeuj yawj vameizgveiq de ceiq maij haenx. Duj vameizgveiq neix hai ndaej ronghsien ndeiyawj. Guekvuengz nyaenx mbouj ndaej haenh naeuz:“Ha, vameizgveiq geijlai gyaeundei ha!”

Ciemhciemh dwk, vameizgveiq ndaengmoj lo. De doiq namh laj din naeuz: “Mwngz uq lai lo, neix aiq uq geuvunj gou bw, mwngz vaiq byaij gvaq dieg wnq bae!” Namh hai aenda de, naeuz: “Mbouj miz gou, mwngz couh mbouj miz yangjliu, gvaq mbouj geij nanz mwngz couh reuq dai bw!” Vameizgveiq ngiengx aen’gyaeuj de, dasang naeuz: “Mbouj miz mwngz, gou couh engqgya gyaeundei, vunzlai couh engqgya gyaez gou!” Namh mbouj miz banhfap, cij ndei byaij bae giz wnq lo.

Gvaq yaep ndeu, duzrwi daeuj gizneix aeu faenjva, de doiq vameizgveiq naeuz: “Dahcej vameizgveiq saundei, cingj hawj gou cienz faenjva hawj mwngz ba!” Vameizgveiq yawjyawj duzrwi iq, yiemz de naeuz: “Vaiq deuz vaiq deuz, mwngz yakyawj lai lo, gou cij mbouj yungh mwngz bang gou cienz faenjva ne!” Duzrwi iq mbouj miz banhfap mbin bae giz wnq lo.

Youh gvaq yaep ndeu, vameizgveiq ngiengx gyaeuj hwnj, yawjraen daxgoeng daengngoenz, de hozndat naeuz: “Mwngz ndoj bae giz wnq, ndit mwngz coegda lai, lwgda gyaeundei gou cungj hai mbouj ndaej lo!” Daxgoeng daengngoenz bibi gyaeuj, naeuz:“Mwngz dasang lai, danghnaeuz gou ndoj bae, mwngz couh……” Lij caengz caj daxgoeng daengngoenz gangj sat, vameiz- gveiq ciengj naeuz: “Gaej gangj vahfeiq lo, vaiq byaijdeuz!” Dax- goeng daengngoenz danq gaemz heiq ndei, nyouq bwnda byaij bae lo.

Ciemhciemh dwk, vameizgveiq baez di baez di reuqroz lo, ndangdaej yied daeuj yied nyieg, de geijlai siengj namh、duzrwi caeuq daxgoeng daengngoenz dauqma ha, hoeng gaenq nguh lo. Mwh guek- vuengz caiq baez ginggvaq henz ndang vameizgveiq, vut roengz coenz vah he:“Duj vameizgveiq neix caen yakyawj ha, vaiq ciemz bae!” Mwhde vameizgveiq ienqhoij raix- caix, nanzgvaq dwk lae roengz raemxda lo.

(sam nienzgaep Ciz Cinghanz)