10 nyied 17 hauh dwg ngoenz- banggungz daihcaet guek raeuz, hix dwg daih ngeihcibbet ngoenz cawz gungzhoj bae gak guek. 10 nyied 16 hauh, Swcigih Yinzda Cangzveijvei Bangungh Dingh caeuq Swcigih Cungjgunghvei、Fuzbinzban、Gvangj- sih Nungzgwnj Cizdonz Youjhan Cwzyin Gunghswh daengj youq Gvangjsih Yinzminz Veidangz gawj- banh aen hozdung siuyungh bang- gungz“ngoenzbanggungz bi 2020 Gvangjsih”, baij gai gij doengh- yiengh banggungz Dunghlanz、Dasinh、Ginhsiu、Lungzswng、Sanh- gyangh、Yungzanh、Dwzbauj daengj 7 aen yienh neix.

Youq ndaw aen hozdung neix, Sinhcin Si Daizdungh Denswj Gohgi Youjhan Gunghswh soengq 700 aen yezsingh densi(raez 50 conq) hawj doenghgij cunhveijvei 7 aen yienh neix, gij densi neix gungh dij 220 lai fanh maenz; Nanzningz Si Lozyez Minzcuz Yihyen Youjhan Gunghswh soengq doenghgij mbawgaj guenj gengangh gungh dij 150 fanh maenz de hawj ranzgungzhoj 7 aen yienh neix; 15 aen giyez maij coengh boux- wnq de dingh cawx 40 duz moudoj aen cunh gungzhoj lailai——Dwzbauj Yen Dunghlingz Cin Dingboh Cunh, gij mou neix gungh dij 30 lai fanh maenz. Ciuq daihgaiq suenq, doenghboux ganbu cizgungh ndaw Swcigih Yinzda Gihgvanh caeuq boux giyezgyah gyaez coengh bouxwnq de dangciengz dingh cawx doenghyiengh banggungz 7 aen yienh neix, gij doenghyiengh neix gungh dij 8 fanh lai maenz.

（Ciengj Ciuh）