Sambak roekcib hangz

Dwkdoj raen fangz vaiq

Danghnaeuz mwngz mbouj gaij

Byaij loeng mbouj baenzvunz

Baez’it haeuj hangzdoj

Lox yah naeuz bae haw

Ngaiz gingjcaz gaemhdawz

Ndaw lauz nyungz couh haeb

Baezngeih yamq hangzdoj

Ndoj yah dangq ndoj meuz

De okrog cij deuz

Euqgeuz rag mbouj dauq

Baezsam byaij hangzdoj

Doq gai vaiz sat bae

Yah naeuz neix mbouj ndaej

Doeklae mwngz gag rox

Baezseiq haeuj hangzdoj

Naeuz doq mbouj haeuj rwz

Saw ndaej faen mbouj lw

Caenh rox daejww

Satsoq hangxgaeq ndoq

Hangzdoj raemx laeg lai

Baez haeuj couh vei dai

Laemxdingjai miz faenh

Beixnuengx aeu ndaejgeiq

Gaej haeuj hangzdoj bae

Nyienh dawz rauq dawz cae

Ndeindei gvaq saedceij