●Daengz ndwen neix ndawco, Nanzdanh guh sat hong gaijguh 781 aen ranzyiemj, mauhgvaq gijsoq yinvu bineix youz swcigih、si dingh hawj de, 3100 boux vunz lajmbanj youq ranz mbouj onj de ndaej youq ranzonj lo.

（Moz Cujnwngz）

●Daj bineix doxdaeuj, Hinghyez Yen youq gyawj ranz ginzcung hwnqguh ranzcangj banggungz, hawj boux ranz- gungzhoj ndaej youq gyawj ranz guhhong, ndaej doq dozcienz doq ganq ranz. Suenq daengz dangq- naj, aen yienh neix gungh miz 165 aen ranzcangj, hawj 6791 boux miz hong guh, hawj 1271 boux ranzgungzhoj ndaej hong guh.

（Hoz Saufung）

●Geij ngoenz gonq, Duh- anh Yauzcuz Swciyen 11527 boux ganbu banggungz ciemdingh mbawsaw laemxsim hingzdingh ciengz ciengq gunggeng duet- gungz, Duh’anh youq 90 ngoenz ceiq laeng neix langh rengz liuxcaez, ok banhfap ceiq haenq guh banggungz, heuh gyoengq ganbu banggungz aeu ciuq gij dajsuenq baihgwnz hengz daengz daej bae, gamj dawzrap、gag rox haenqrengz、naih hoj naih haemz, okrengz bonjfaenh coengh hoenx hingz ciengz ciengq neix.

（Veiz Cinghrui）

●Liujcouh Si Vwnzva Gvangjden Caeuq Lijyouz Giz 10 nyied 8 hauh lajbyonghngoenz ok siusik, ginggvaq daihgaiq gyoep- suenq, bineix duenh ciet gozging、betcibngux, Liujcouh Si gungh ciep hekyouz 399.18 fanh vunzbaez；daengx si lijyouz siuyungh 27.08 ik maenz.

（Yiz Sienghcenz）