10 nyied 2 hauh, Sanhgyangh Dungcuz Swciyen Linzhih Cin Cwngzyangz Cunh Mbanjdacai banh aen hozdung daih’it gaiq Huznanz Gvangjsih doxgap guh yezyej, Huznanz Swngj Dunghdau Dungcuz Swciyen caeuq Gvangjsih Sanhgyangh gungh miz baenz cien boux beixnuengx Dungcuz doxcomz guhdoih, doxdax boq aenvenz、yienj cezmuz、guh ngaizdonq bak ranz daengj, cezmuz lai cungj lai yiengh, vunzlai doengzcaez angqvauvau, haenhndei aencingz aendangj, langhbaij yienghsiengq mbanj caeuq vunz Dungcuz gyaeundei, neix yinx haujlai hekyouz daeuj yawj daeuj riengz guh hozdung.（Gungh Bujgangh）