10 nyied 9 hauh, gicej cam Swcigih Sanghvu Dingh ndaej rox, duenh“song ciet”(ciet betcibngux caeuq gozging) gak dieg banh baenz- roix hozdung cezmuz lai cungj lai yiengh、vunzlai sim’angq ndaej leih, coinyoengx siuyungh lai bae, langh rengz hung coinyoengx vunzlai siu- yungh. Ciuq gyoepsuenq, 10 nyied 1 hauh daengz 8 hauh, doengh giyez gailingz caeuq guhgwn daeuz ndaej yawj riengzlaeng de bingzyaenz ngoenz gai bae beij bi’gvaq caemq duenh seizgan gyahwnj lai 5.5％.

Yienhciengz gaicawx caeuq gwnz vangj gaicawx doxgap dazyinx yiengh siuyungh moq. Gak si ranghdieg gaicawx daeuz vunzhek beij mwh gaxgonq duen ciet neix gyalai daihgaiq 3 boix. Duenh song aenciet neix gai bae gij doxgaiq vunzlai gvaqngoenz aeuyungh de lumj gijgwn、yinjliux、ien laeuj daengj faenbied gyalai 8%、4.6%、2.2%; gai bae gij doenghyiengh ndangdaenj lumj buhvaq、haiz mauh、doenghyiengh baengz daengj faenbied gyalai 25.5%、15.7%、14.6%；gij doenghyiengh ci、dunghsin daengj faenbied gyalai 2.9%、5%.

Baez“song ciet”neix lumj“aenciet ndwencieng nguh daengz”nei, vunzlai banh gak cungj ngaizdonq couxbawx haqlwg、ngaizdonq vunz ndaw ranz doxcomz、ngaizdonq baengzyoux dox- comz daengj, neix dwg yiengh gwn- ndoet daeuz, hawj hangznieb guh- gijgwn hwnghoengh. Ciuq gij soq yawj riengzlaeng de ndaej rox, caeuq bi- gvaq caemh duenh doxbeij gijsoq gaicawx gvendaengz giyez daeuz guh- gijgwn de dingzlai dauqfuk daengz 90% doxhwnj, gijsoq gyalai de beij ndwen gonq lai hwnj 15% baedauq.

（Couh Hungzmeiz）