Daengx mbwn fwjndaem, ndaemndwtndwt at roengzdaeuj. Mbawfaex gwnz faex dinghcub, duzroeg hix mbouj ok sing, bya ndaw raemx mbouj raen lo…… Sawqmwh, raq rumz hung he bongjhuhu, bongj dwk ngafaex bibuengq ngwdngwd, hwk dwk duzroeg hemqcica.

Mbat byajmig he lumj hojcen nei veh gvaq gyangmbwn, yied daeuj yied rongh. Humhumhum, byajraez lo, lumj miz cienfanh vunz roq gyong, yied daeuj yied yiengj.

Sawqmwh, fafafa, fwn lumj naedcaw hung lumj naedduh nei daj gwnzmbwn doek roengzdaeuj. Fwn yied doek yied hung, yawj coh rog cueng, gofaex, duzroeg, diuzdah, cungj yawj mbouj raen lo.

Menhmenh dwk, menhmenh dwk, sing rumz iq lo, sing byajraez iq lo, sing fwn hix iq lo.

Mbwn ronghsag lo. Hai aendou, ndonj gvaq aen cueng, hoengheiq singjsien coemj haeuj naj daeuj.

Fwnraq dingz lo, doengngoenz okdaeuj lo. Duzdoengz ndeiyawj he venj youq gwnzmbwn. Lumj aen giuz iq vangungj he.

Mbawfaex gwn imq lo, duzroeg angqfaengz lo, raemx ndaw dah rim lo, duzbya youh angqfwngfwng youz bae youz dauq lo.

(ngeih nienzgaep Vuz Yijgyah)