Aengamj laebbaenz gyangjsizsoj,

Yougyangh bouxcoz bae bauqmingz;

Caez riengz Bazgoh guh gwzming,

Bouxhoj nungzminz vuenh mbwn moq.

Cujciz Gwzming Dungzmungzvei,

Ceiq Yinzhaijcouh gwnz ndaw gamj;

Laeb Suhveizaih youq Dunghlanz,

Beksingq fanndang ndaej guhcawj.

Mbouj lumj aencingz Veiz Bazgoh,

Gwzming roenloh diuz de baenz;

Ginggvaq hojnanh caeuq moebcaenh,

Gyoengqraeuz ndaej raen ngoenz

baenz ndei.

Yienznaeuz Bazgoh de mbouj lix,

Saehnieb hungmbwk lij lau nyeng;

Ciepswnj cingsaenz caez haenqrengz,

Buek guh ceng’aeu bongh siujgangh.

（Gejnaeuz: Bazgoh、Veiz Bazgoh dwg gangj Veiz Bazginz.）