Meh ha, mwngz rox lwi? Ndaw lwgda mwngz miz boux vunz ndeu, boux vunz iq lumj lwg ndeu, lwg riu, de caemh riu.

Meh rox lwi? Boux vunz de couhdwg gou lwi? Laxlawz gou ciengzseiz youq ndaw lwgda meh ma?

Ciengzseiz youq ma? Yiengh- neix, gou gag boux vunz ndeu bae gwnz bya aeu lwgmak, roxnaeuz gag boux vunz ndeu bae henz dah liuh, meh goj yawj ndaej raen ma?

Yawj ndaej raen ha? Yiengh- neix meh bae Haijnanzdauj guh- hong, byaij gvaq henz haij, roxnaeuz hwnj bya aeu yw, goj yawj ndaej raen gou ha?

Hix yawj ndaej raen ha? Meh cungj yawj ndaej raen lwg ha? Meh youq gizlawz goj ndei, lwg youq gizlawz goj ndei, cungj yawj ndaej raen ha?

A, meh ha, gou mboujdan ciengzseiz youq ndaw lwgda meh ndwi, lij ciengzseiz youq ndawsim meh ha?