Beixmbauq ha, mwngz vihmaz giemz gosoemjmeiq gou ndaem de bae ne?

Boh mbouj dwg naeuz gvaq, yaek youq suenva baihnaj ranz de ndaem haujlai haujlai va, hawj gak cungj gak yiengh va nauhnauh yiedyied hailangh ma?

Mwngz naeuz: Gosoemjmeiq dwg go nywjdoengh gwnz bya ndwi.

Hoeng, beixmbauq ha, gou ndaem de youq ndaw suenva, de couh mbouj dwg nywjdoengh lugo. Gou lij youq gwnz bya raen gvaq, gij va de lij hung gvaq va haijdangz mwngz ndaem de bw, lij lai ndeiyawj bw, lij lai dwggyaez bw.

Mwngz naeuz: Mbouj caengz miz bouxlawz youq ndaw suenva ndaem gosoemjmeiq nauq.

Hoeng, beixmbauq ha, gou ndaem le, mbouj dwg couh miz vunz youq ndaw suenva ndaem gosoemjmeiq gvaq luma? Langhnaeuz mwngz mbouj giemz de bae, daengzlaeng langhnaeuz lij miz vunz naeuz——mbouj caengz miz bouxlawz youq ndaw suenva ndaem gosoemj- meiq gvaq!—— nyaenx couh dwgriu lai lo!

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwg- fwngzmeh/卢奋长 hoiz）